افيهات يوم الإستفتاء: لأول مرة في مصر .. حرمان المتوفيين من التصويت .. والحبر لا يزال في صباعي

• هو مبارك دايما مشحططنا كدة مكنا مرتاحين كانوا هما بينتخبوا لنا ويصححولنا الورق ونبقي عارفين النتيجة كمان
  
• الاخوان في المرج:
  انقذوا الاسلام وقولوا نعم” ..والحلاق: “يا باشا انا هقول نعم، هيلغوا
  المادة الثانية، و نصحى نلاقيهم شمعوا الجامع و منعوا الآذان
  
• “سرور يدلي بصوته وينطلق عائداً سريعا وسط هتافات امشي يا ….. ” و” شهاب معرفش يصوت في التجمع الخامس ، راح مصر الجديدة
  
• البواب: “هقول لأ يا بيه، شايفني مختوم على قفايا؟ اصدق نفس الشيخ اللي قالي اسمع كلام مبارك و الثورة حرام?!
  

كتب- عمر سعيد:
في يوم الإستفتاء.. تصويت بنعم ولا.. ومحاولات للحشد والتأثير على آراء
الناخبين لإستمالتهم يمينا أو يساراً.. وأيضاً تنكيت وتبكيت رصد ونقد ليس
فقط لأول عملية اقتراع تشهد هذا الإقبال الجماهيري على التصويت, ولكن
لاصطفافات القوى السياسية والدينية في معسكري الرفض والقبول, ومقارنة بين
سير الاستفتاء واختفاء رموز الحزب الوطني وسير العمليات الانتخابية
السابقة..

“البديل” رصدت عدداً من التعليقات التي انطلقت في طوابير المصوتين، وانتشرت على موقعي التواصل الاجتماعي فيس بوك وتويتر.

• فتحي سرور يدلي بصوته في مدرسة المبتديان بالسيدة زينب وينطلق عائداً
  سريعا بعد الإدلاء بصوته وسط هتافات .. إمشي يا……” شتيمة تتهمه بأخذ ما
  ليس من حقه “.
  
• ضميري مطاوعنيش اني اقول نعم او اني ابطل صوتي فلقيت نفسي بقول لا بعد
  ما استخرت الله ، انا وامي واختي واخويا وابن اختي واتنين اصحابي قولناً
  لأ.
  
• الاخوان في المرج يدورون بسيارات عليها ميكرفونات تقول: انقذوا الاسلام وقولوا نعم.
  
• الحلاق اليوم: “يا باشا انا هقول نعم، قالك هيلغوا المادة الثانية، و
  نصحى الصبح نلاقيهم شمعوا الجامع و منعوا الآذان” الجهل ابشع جرائم مبارك.
  
• يا جماعة موضوع البرادعي مش غريب ولا حاجة، باكلم واحد عن الاستفتاء قالي انا هاقول “نعم”علشان البرادعي دا علماني وهايقول لأ.
  
• البواب اليوم: “هقول لأ يا بيه، شايفني مختوم على قفايا؟ اصدق نفس الشيخ اللي قالي اسمع كلام مبارك و الثورة حرام?!
  
• انا اتفقعت النهاردة في اللجنة الإنتخابية.. شوية مسلمين بيقولوا نعم
  عشان حماية الدين، وشوية مسيحيين بيقولوا لأ عشان المادة التانية.. ايه
  بقى.
  
• مفيد شهاب فضل يلف عل 3 لجان في التجمع الخامس علشان الزحمة معرفش يصوت، ف راح مصر الجديدة علشان رايقة.
  
• المرة الاولى في تاريخ مصر يتم حرمان المصريين المتوفيين من التصويت في الاستفتاء .. فين بقى الديمقراطية !
  
• واحد قال انا حاصوت بـ لأ علشان الجيش يفضل أطول وقت ممكن.
  
• واحد قال أنا حاصوت بنعم، علشان لو قلنا لأ الدستور مش هايتغير.. حيقولوا انتو رفضتوا التعديلات.
  
• على باب اللجنة المشكلة ما كانتش نعم أو لأ.. المشكلة في اللي عاوز يعدي الطابور ومش دوره.
  
• الناخبين امام اللجنة قالوا مبارك دايما مشحططنا كدة مكنا مرتاحين
  كانوا هما بينتخبوا لنا ويصححولنا الورق ونبقي عارفين النتيجة كمان لازم
  نيجي ننتخب.
  
• الجيش والسلف ايد واحدة.
  
• اتفاق بين الاخوان وبقايا النظام على تسلم رمزي الهلال والجمل في الانتخابات القادمة.
  
• الحبر لايزال في صباعي.
  
• التزوير في سبيل الله.
  
• محتاجين حملة قومية عشان نعقل الناس اللي بيقولو لأ دول .. دول اتهوسو
  وعمالين يبعتوا في ماسجات وحالتهم بقا كرب …!!عايزين يلوثونا بالفيروس
  اللي جالهم … لازم نعملهم تطهير او حجر صحي!
  
• حاسس انه بعد شوية هيطلع واحد شيخ ويقول من قال لا للتعديلات الدستورية فهو فاسق فاسق فاسق.
  
• احنا بنتبطر ع النعمة .. فرصة نقول لأ ومصرين نقول نعم.
  
• سؤاال عبيط اتسالته لما شفتي حشد الوطني والاخوان والسلفيين وبعض
  المشرفيين على اللجان للتصويت بنعم ……لان لو ماحترمتش دماغي وغيرت رايي
  عشان نعم بقت سمعتها وحشه …ححترم ايه بعد دماغي . ايه تاني حبقي عليه.
  
• سبحان الله جت ارادة ربنا ان الدايرة اللي بيختارها المسيحييين لونها اسود وده اكبر دليل اننا دين الحق واننا حننتصر بإذن الله…
  
• وقالي الدستور بيروح وييجي انما الفتنة الطائفية من بعد مبارك حنتنشق
  عليها وديه فرصة نختار الدايرة الخضرا ….مواطن مصري يبرر موافقته عا
  التعديلات.
  
• الموضوع تطور ….للدايرة الخضرا مسلمين والسودا مسيحيين واحدة ست
  قالتلي …..انا كنت راحة اصوت بلأ …بس لقييت المسيحيين كلهم بيصوتوا بلأ
  رحت مصوتة بأه حتى الدايرة الخضرا احلى.
  
• انت مصري والبلد دي بلدك صباعك امانة لاتعطه الا لمن يستحقه.
  
• اطالب بالغاء الدايرة الخضراء و السوداء فى الانتخابات القادمة و استبدالهما بخانتين -لبيك اللهم لبيك هللويا مجدا.
  
• يا اخواننا يا ريت اللى راح صوت يدخل لى على الانبوكس نراجع الاجابة سوا ،عشان انا مش مطمن و حاسس انى عكيت.
  
• اتصورت صورة جنب البطاقة الانتخابية و عليها اختيارى ب لا, عشان احتفظ
  بها للذكرى و تكون مصدر فخر لاولادى و احفادى من بعدى باذن الله.
  
• اللهم أعز الإسلام والمسلمين، وأذل الإخوان والسلفيين .
  
• المصريين عملوا اكتفاء ذاتي وبقوا بيتصوروا مع صوابعهم بعد ما كانوا بيتصوروا مع الدبابات .
  
• تغير السؤال على التيفون بدل ما أنت عامل ايه ؟ الى روحت لجنة الاستفتاء ولا ايه ؟ تطور ديمقراطى عظيم ومهم ولابد أن يبنى عليه.
  
• يا ترى خيري رمضان وتامر امين والاعلام الرسمي هيبقى تبع الاخوان ولا طنطاوي ولا هيخدوه شرك زي بقيت البلد.