استشاره ارجو الرد سريعا

الموضوع وما فيه ان فيه اتهام سرقه لحد انا اعرفو سرقه جهاز من شركه وكاميرات التصوير مصوراه وهوا فى مكان الحادث لكن مش مصوره وشو وبعدين شركه الامن متكلمتش البعد مرور 4 ايام من السرقه واتهمو الشخص اللى كان قريب من الحاجه اللى اتسرقت وبعد مرور شهرين قررت الشركه ان تحجز فلوسو اللى عندها وبتتهمو بالسرقه ف الشخص ده ليه الحق انو يرفع قضيه على الشركه رغم ان الشركه مش راضيه تبلغ ف ايه الحل دلوقتى وهل الشخص ده يبقى كدا عليه ادانه والا لا ---------- ارجو الافاده بسرعه جدا ارجوكو ------ وشكر خاص جدا لكل مجهوداتكو -

شركه لاهتمامك يا سيدى الفاضل :
اولا الشخص ده شغال فى الصيانه وهوا ماسك الدهانات ( نقاش ) يعنى بيروح وييجى فى الشركه براحتو وبقالو سنتين شغال فى الشركه دى لكن شغال من الباطن مع المهندس اللى ماسك الصيانه بس ماضى مع المهندس عقد اللى حصل ان الشركه اكتشفه اختفاء جهاز وير لس يعنى جهاز شبكه نت موجود جمب الحمام والجهاز اختفى فى الفتره اللى كان هوا بيتشطف فيها بعد ما خلص شغلو كان معاه 3 كمان شغلين معاه بس كانو فى الاوضه اللى بيغيرو فيه تبعد عن الحمام 5 متر تقريبا فى نفس اللممر الكميرا مصوراه وهوا خارج من الحمام وبيعدل بنطلونه ولابس تيشيرت عليه رسمه برزه فقالو ان هوا ده الجهاز مخبيه فى ظهره ولكن الشركه اتكلمت بعد مرور يومين او 3 ايام تقريبا وطلبو انه يرحلهم الشركه ف راح لكن مدير الامن مكنش موجود فرفضو انهم يدخلوه لكن دخلو الناس اللى كانت معاه ورفضو كمان يخلوه يستنى مدير الامن -- وبعديها سكت الموضوع وراح الراجل اللى ماسك الشغل علشان يستلم فلوسو قلولو ملكش حاجه عندنا علشان انتو اللى سرقتو الجهاز قلهم احنا مين قالولو الراجل اللى كان معاك اللى هما متهمينو قلهم ارفعو الموضوع للنيابه واعملو محضر قلولو لا احنا شركه اجنبيه ومش محتجين شوشره -- ف بعد كدا الراجل سدق وبيطارد الراجل اللى الشركه اتهمتو لكن هوا بيحلفلهم على المصحف والعيش والملح اللى بينهم انو مخدش حاجه لانه مش محتاج اصلا انو يسرق والشخص ده معروف فى وسط اهلو واهل النطقه اللى بيعيش فيا انو غلبان وملهوش فى اى حاجه واللى خلاه يشتغل نقاش انو بس عاوز يتعلمها مش محتاج لفلوس من وراها لانو اصلا لسه طالب فى جامعه محترمه ولو حبيت توضيح اكتر انا معاك

وشكرا جدا لإهتمام حضرتك

الجديد فى الموضوع اللى حاسس انو فى صف صديقى ان عرضنا على الشركه اننا نقعد مع شركه الامن ومع محاميين الشركه الشركه طلبت انو يكون بعد العيد بحجه ان مفيش وقت علشان يقعدو معانا طبعا ده اللى اكدلى ان الشركه بتتبلى عليهم وغير كدا انى عرفت ان شركه الامن هتمشى ويستلم منهم شركه امن جديده فده امر واضح انهم عاوزين يلعبو ويلفقلهم التهمه وخلاص

انا شاكر جدا لإهتمام حضرتك الزائد وكل عام وحضرتك بخير