من طرف تعبت من كتر تخبيطي علي باب كل واحد شوية ومفيش حد حاسس بحد مشكلتي اني محامي اه والله محامي دفعة 86 وكان زماني متقيد نقض من 2006 لكن منه لله اللي اصدر قرار فرض غرامة تاخير علي كل من لم يسدد رسوم الاشتراك في ميعاده قلت ماشي اسدد لقيت ان المبلغ المفروض عليا 8500 ج ليه انا فضلت اسدد وبصورة منتظمه حتي 2005 الي ان اصابني المرض اللعين وهو التهاب حاد بالعمود الفقري والغضاريف اقعدني عن العمل وطفشت الزباين لعدم ذهابي الي المكتب ومبقتش استطيع مزاولة المهنه وفضلت اجري مع الدكاترة الي ان استجاب الله لي والحمد لله وتم شفائي تماما قلت اشتغل بقي وارجع افتح مكتبي وارجع الحياة الكريمة لاسرتي اللي شافت معايا الذل والهوان طوال فترة مرضي ولما قلت اروح ادفع الرسوم كان سني لسه مجابش 45 سنه كان عليا ساعتها 6000 ج قلت ياجماعه والله ممعيش ادفع القرار باطل والمجلس باطل طيب اعمل ايه اقعدت اقدم طلبات لكل من مسك امانة الصندوق مرة والنقيب بالاناية مرة والقائم باعمال النقابة مرة ولا في حد استطاع ان يرد عليا الي ان تعديت سن 45 وزاد المبلغ عليا وبقي 8000ج والله ما معي فلوس وكفاية عليا ان سالف من طوب الارض عشان اتعالج عايز بقي اشتغل تاني واسدد الفلوس اللي عليا وربنا يكرمني زي بقية الناس المحترمة الاسم اني محامي وليه نقابه لاهي حماية ليه ولا انا بكلفها اي شيء حتي البرنامج العلاجي مش مشترك فيه والله العظيم ماكنت بخش النقابة دي غير عشان اسدد الرسوم او اطلع كارنية بالله عليك اعمل ايه اتصرف ازاي وعندي اسرة فيها الثانوي والجامعي والاعدادي اعمل ايه لكن في النهاية مليش غيرك يارب وااقول حسبي الله ونعم الوكيل فيمن اصدر هذا القرار البلد كلها بقت مليانه استغلال ومحدش بيعرف ربنا بالله عليك ياخي تقولي اعمل ايه وشكرا
ردنا علي السيد الاستاذ / الزميل و لا نستطيع ذكر الاسم الا بعد موافقته الشخصية
هذا نص الرسالة الذي وصل الينا من زميل محامي شفه الله و شفانا ونرجوا من سيادة النقيب حمدي خليفة ومجلس النقابة الاهتمام لمثل هذه الحالات الانسانية فليس من المعقول ان يترك الانسان عمله لانه لا يستطيع سداد الاشتراك للنقابة و ان كنا نقترح تقسيط مبلغ الغرامة و خصمه في حالة عدم السداد من المعاش ان وجد و كتر الله خيركم يا نقابتنا ياحرة يا شامخة و اننا نعلم ان هناك من اعضاء مجلس النقابة من هم و بحق اصحاب ايدي بيضاء و اعمال حره تحترم المحامين ..
