من طرف 
من اجل استقرار ومستقبل مصر نحن معكم
كفايه كلام عن الماضي وعن حضاره 7000 سنه وخلينا نعيش واقع اليوم
نريد ا ن نقول نحن فعلنا ودعنا من قراءه التاريخ والقول ان اجدادنا فعلوا كذا وكذا.
سهل علينا.. سهل علي بلدنا صاحبه التاريخ العظيم ان تبني حاضر ومستقبل اعظم ولكن بالعمل وليس التمني.
سيبك من الحكومه و لا تنتظر منها المستقبل ولكن علينا ان نضع مستقبلنا بأيدينا.
قل وطن ولا تقل دين ودعونا من اختلافات ونزاعات لن تحقق من ورائها الا المزيد من التخلف وعدم الاستقرار.
لو اتولدت مصري ومش عاجبك ظروفك وبتدور علي الافضل سهل عليك ان تحصل علي عقد عمل في اي دوله او ان تحصل علي جنسيه دوله اخري ولكن يستحيل ان تجد وطن بديل.
اذا كان قدرنا اننا مصريون فعلينا ان نغير بأيدينا حاضر ومستقبل هذا البلد من اجل ان نفخر بأننا مصريين فالحاضر والمستقبل يمكن تغييرهم بأيدينا ولكن القدر لا يمكن تغييره فهو من عند الله.
عايز تعيش وتحلم وتعمل أسره ومستقبل إبني بلدك بنفسك منقولش حاكم ولا حكومه قول وطن وأرض وشباب عايز يعمل لنفسه تاريخ
البداية من هنا وليكن شعارنا جميعا .. نعم نستطيع
دي ولا شعارات ولا هتافات انتخابات دي دعوه لكل مصري ولد او بنت – شاب او فتاه – رجل او امرأة مش عايزين حزب ولا بندور علي سلطه ولا حتي هنترشح في أي مجلس إحنا هدفنا اكبر اكبر ، هدفنا الوطن علشانك .. علشان اولادك .
ابدأ ومش هتخسر ومتقولش الوقت فات ولا اناهاقدر اعمل ايه ؟
نعم نستطيع
نقدر نعمل كل حاجه نقدر نغير الكون بأيدينا نقدر نخلق مستقبل افضل لينا ولأولادنا المهم نبدأ وهنخسر إيه لو شايفين اننا وصلنا للقاع تعالوا نجرب ولو اننا ضيعنا من عمرنا 30 سنه بنجري وراء مين قال وحكومه راحت وحكومه جايه دي بلدنا مش بلدهم بس مش بالخناق بالشغل والتفكير ... بالعلم والتعلم ... بالفكر والايجابيه بلا للسلبيه بنعم للحق حتي لو الحكومه قالت لا
خلينا دايما حاطين قدامنا هدف واحد نعم نستطيع
مشاركتك فى الانتخابات الرئاسية عام 2011 قد تكون البداية لغد افضل
