من طرف 
النص الكامل لحوار الدكتور أحمد نظيف رئيس مجلس الوزراء
أجرى الحوار عبد اللطيف المناوي
ـــــــــــــــــــــــ
ـ الرئيس حسني مبارك و جه مجموعة من التكليفات الي الحكومه للقيام بها .هذه
التكليفات و ضعت في الاساس مجموعة من المحاور الرئيسيه حول المشاكل الخاصه
بتشجيع الاستثمار ، العدالة الاجتماعية ، المشاركة المجتمعية .هذه
التكليفات تم ترجمتها الي محاور .محاور العمل التي وضعتها الحكومة و حملها د
/ احمد نظيف امام المؤتمر الاخير للحزب الوطني و تحدث فيه عن بيان الحكومه
.اليوم أتي الي هنا مقر مجلس الوزراء لكي احمل هذه التكليفات و تلك
الالتزامات التي التزمت بها الحكومه و نضعها امام المسئول الاول عن هذه
الالتزامات و التكليفات في مصر د / احمد نظيف رئيس مجلس الوزراء .
اهلا بك استاذ عبد اللطيف
اسمح لي ابدا معك في البداية بالموضوع الاكثر حضورا هذه الأيام و هو ماحدث
بالاسكندرية ذلك الحادث المؤلم تلك الجريمة المؤلمة .تحدثنا كثيرا بل ان
الماده الاولي في الدستور تنص علي ان المواطنه هي اساس الدولة السؤال مهنا
لماذا لم يتم ترجمة هذا المفهوم حتي الان بشكل اسس و قواعد للتعامل في
المجتمع .الحادث كان مؤسف و المنا جمعيا لكن في النهايه هناك عبر كثير جداً
نستطيع ان نأخذه من هذا الحادث اهمها زي ما انا قولت قبل كده ان ده حادث
ارهابي و يدل علي ان مصر مستهدفه و ان الوحده الوطنية في مصر مستهدفة و
لذلك اهم شئ نقدر نعمله في هذا اننا نفهم هذا انا قولت ان الحادث ليس نتيجه
فتنه و لكنه يستهدف الفتنيه و بالتالي مهم جدا اننا كمصريين كل المصريين
نفهم هذا و نصحاله كويس و نتعامل معه علي هذا الاساس لانه جانب رئيسي في
هذا الحادث ده موضوع و موضوع بيؤكد فكرة المواطنه لكن عايز اقول ان مفيش
ارتباط مباشر بين الحادث و بين ما تم لترسيخ فكرة المواطنه
فكرة المواطنة فكره وثقافة مجتمع ثقافة المجتمع يجب ان تبني هذه الفكره
مفيش قانون لوحده يقدر يعمل المواطنه كلنا بنحب مصر و ده بان تماما في
تداعيات الحادث .
انا الحقيقة اتفاجات داخل هذا رد فعل المجتمع المسلمين قبل الاقباط لهذا
الحادث اما نشوف مسلمين مستعدين يعملوا نفسهم دروع بشرية لحماية كنائس مصر
هي دي مصر هي دي المواطنه .
مفيش قانون يقدر يعمل ده لوحده لكن في النهاية علينا اننا ناخذ من هذه
الحادثه فرصة لننطلق بهذه المواطنة نترجمها من الدستور الي ما نراه لننظم
في تشريعاتنا كلها و ده بيحدث الان عشان نرسخ فكرة المواطنه عدم تمييز ليس
فقط علي اساس الدين او علي اساس الجنس لا يجب ان يكون هناك تمييز في مصر هي
دي حضارةمصر و ده اللي لازم يمشي في مصر .
مفهوم المواطنه اكيد بيرتبط بمفهوم عدم التمييز ان يكون وطني لكل
المواطنيين بلا تمييز و هذا الحادث يستهدف الفتنه و لم يخلقها حالة من
حالات الاحتقان التي كانت موجودة نتيجة عدم ترجمة مفهوم المواطنه الي شكل
قوانين .
ذكرت حضرتك ان حالة الاحتقان التي كانت موجوده نتيجة عدم ترجمتها الي
قوانيين ، ذكرت حضرتك ان هذا سوف يترجمة سؤالي ماهي خطتكم في التعامل مع
هذاالموضوع و ماهي اهم المشروعات المطروحه هذا التمييز يمكن ان يكون هناك
مفهوم لقانون التمييز في مصر ؟
مفيش شك انه ممكن جدا ان يكون هذا بل بالعكس و انا في تصوري ان هناك مظاهر
في الشارع المصري تدل علي نوع من التطرف و لكن ده بيبقي قله عادة و الحادث
اثبت انه قله في المجتمع .
اثبت ان الغالبية العظمي اللي عادة بتكون الغالبية الصامته اتكلمت و لما
اتكلمت هي في الجوانب دي بتطلع المتطرفين من كل ناحية و بتوقعهم في و لكن
في النهاية ممكن يخرج في الكادر كله .
وده اللي احنا عايزين نعمله و ده اللي يجب ان يحدث و لازم نعملة و احنا
بنراجع قوانين و احنا فعلا شكلنا في مجلس الوزراء مجموعة عمل عشان تنظر في
القوانيين المختلفه لكي نتاكد ان هناك تفعيل للمواطنه باشكل اللي نراه .
و يرتبط ده علي فكره بمحاور المواطنة بيطور المفاهيم داخل المجتمع عامة ،
ثقافة العمل ، ثقافة تحسن مستوي المعيشة للناس ، العداله الاجتماعية و
الاحساس بالعدالة تؤثر عليها تاثير مباشر و كل مانقدر نرسخ مفاهيم العداله
لذلك نحن لسنا بعيدين .
- كل مانقوم بتنفيذة في الحكومه و في براجنا و تكليفات السيد الرئيس كلها
تؤدي الي ترسيخ فكرة المواطنة الجزء الاخير الخاص بالمشاركة المجتمعية امتي
الواحد يحس بالمواطنة .
- لما يحس انه يمتلك الوطن كما ان الوطن يمتلكه .
الملكية المشتركة المتساوية و فقا للمواطن كمواطن دون تمييز فالذي تعنية
اللا مركزية ليس فقط ان القرار يبقي في يد محافظ ليس في يد وزير هي تعني ان
المجتمع كله بيساهم لما اتكلم عن التعليم داخل محافظه معينه بتكلم ان هناك
مجالس اباء مجالس امناء مجالس من المجتمع بتساهم بترااقب بتنفذ احيانا
بتشارك ماديا بفكر مع الدولة ككل هذه هي المشاركة الحقيقية
و هنا جايز اشير يعني بتناول في الحوار بعد قليل فكرة مفهوم ان الحكومه لم
تعد ملتزمه بمحاور عمل و لكن الزمت نفسها برسالة حتي نغلق الملف الخاص
بموضوع الاسكندرية و ماحدث فيها .
هناك العديد من الجهات الاوربيه و الامريكية و الغربيه و جهت انتقادات لمصر
في التعامل مع الاقباط او طالبت الدولة بمجموعة من المطالب في التعامل مع
الاقباط .
السؤال الاول كيف تنظر انت الي تلك الملاحظات ؟
و كيف تري انت رد الفعل الذي ينبغي ان يكون في هذا الاطار ؟
بنوجة الرسالة و بنقول اذا كان هناك ما يقلق في هذا الحادث فهو يقلقنا اولا
قبل ان يقلق أي احد كمصريين و مصر قادره تماما علي حماية جميع مواطنيها و
ان مصر قادره علي ان تحمي اقلياتها و اغلبيتها بنفس القدر و محدش يقدر يفهم
العقلية المصريه زي المصريين و مصر كلها مصريين اقباطا و مسلمين و يرفضوا
أي تدخل خارجي في هذا المجال فاذا كانت تلك الملاحظات جايه من قلق علي مصر
فبنقولهم ميقلقوش علي مصر مصر بخير و قادرة تماما علي تجاوز أي ازمه في
الماضي او لا قدر الله في المستقبل .
أي حدود للقلق و حدود التدخل من وجهة نظرك ؟
لا يعني مفيش مانع ان اصدقائنا يبدوا اسفهم و نتقبل نصائحهم و يجب ان
نتقبله جميعا في المجتمع نحن مجتمع مفتوح و قادر علي ان يتلقي مثل هذة
النصائح من الاخرين و لكن يجب ان نتوقف عند هذاالحد .
اكثر من ده يبقي درونا في التدخل اقوله تعمل ده بالطريقة دي او بالعكس محدش
يعرف بلدي زي ما انا اعرفها و زي ما أي مواطن يعرفها بالتالي احنا اللي في
ايدينا كل هذا .
و اعتقد ان الرئيس كان واضح تماما لا نقبل أي تدخل اجنبي في شئوننا
اقتصاديه اجتماعية في أي مجال لاننا قادرين تماما ان نضع لانفسنا برنامج و
بنطور نفسنا وعندنا من الجهات الرقابيه و المؤسسات داخل الدولة من يستطيع
هذا سواء داخل الحكومه او المجتمع المدني ملتزمة في هذه المرحله
اذن قبل ان نخرج من ضمن التزامات الحكومه بعد هذا الحادث ان نتعامل مع
مفهوم المواطنه و نترجمه بشكل قانوني و تعديلات بشكل مشاريع وقوانين جديده و
الا يكون ذلك الحادث كغيره من الحوادث و تكون ثورة الانتباه لها ينتهي بعد
الحادث .
هذا هو التزام الحكومة تجاه هذه المسالة اعتقد اننا يجب ان نستغل هذه الروح
الجميله اللي شفناها في المجتمع المصري لكي نطور مفهوم المواطنه في
المرحله القادمه .
انا هنا جاي ممثل للناس احمل تساؤلات حول التكليفات حول التزامات حول
مايحدث و ما سوف يحدث و لكن قبل ذلك دعني افرق بين امرين هناك برنامج السيد
الرئيس الانتخابي الذي و ضعه منذ اكثر من 5 سنوات بقليل و باقي علي هذا
البرنامج اقل من عام و هناك برنامج الحزب الذي تحملة الحكومة الان للخمس
سنوات القادمه قبل ان نفرق بين برنامج الحكومة اين نحن من برنامج السيد
الرئيس و الالتزامات التي التزم بها ببرنامجة الانتخابي و الفترة المتبقية
هل هي كافية لتحقيق هذا البرنامج ام لا اتفضل ؟
انا عايز اقول في البداية عشان ذكرت برنامج الحزب و برنامج السيد الرئيس في
النهاية مفيش تعارض بمعني اننا بدانا بتكليف من الرئيس عام 2005 ببرنامج
تنموي و اضح المعالم سمي بالبرنامج الانتخابي لرئيس الجمهورية اللي الشعب
انتخبة علي اساسه و اللي تعهد به الرئيس بوعود محدده للشعب و ارقام محدده و
ده عمره ماحصل كون النهارده دخلنا انتخابات برلمانية و كان لازم يبقي
عندنا برنامج يجتاز مرحلة لانه سينتهي السنه اللي جايه يستمر 5 سنوات طبيعي
جدا ان البرنامج اللي وضعه الحزب بالاشترك الكامل مع الحكومه تكون كل
برامجنا تتم بالتعاون بين الحزب و الحكومه
و اضح جدا ان هنا في تعاون سنري في البرنامج الجديد فلا يوجد لانه اثير تساؤلات احنا فين من البرنامج .
انا بقول بوضوح ان هذه الحكومه تحملت المسئولية بالكامل لتنفيذ البرنامج بمنتهي الدقه .
نستطيع ان نجزم انه بعد عدة 5 سنوات من البرنامج و باقي سنه واحده اننا علي
الطريق السليم و مؤشراتها تؤكد ان كل مكون في البرنامج تم العمل فيه هل
انجزناه بالكامل
بنقول ان بعض مكونات البرنامج تعدينا النهارده اللي كان مطلوب في 6 سنوات
امثلة كثيره في مجال الصناعة برنامج المصانع و عرفنا المصنع الكبير أي
مصنع تم الاستهلاك ب15 مليون جنيه او توسع و اجنا كل اللي كنا عايزينه 1000
مصنع و احنا وصلنا الي 1300 مصنع و لسه قدامنا سنه في السياحه كان الهدف
نصل الي 14 مليون سائح و صلنا الي 15 مليون سائح قبل سنه من انتهاء
البرنامج . و ده بيشجعنا ان في البرنامج الجديد للحزب في ال5 سنوات القادمة
نصل الي 20 مليون سائح .
لازم اقول ايضا ان هناك مجالات اخري وصلنا فيها الي 70 او 80% فاضل سنه
هنوصل فيها الي 100 % اتمني ان نصل الي 100 % في كل المجالات و لكن في
تصوري اننا بمعدل امتياز الامتياز في الجامعة من 85 % و ان شاء الله سنحقق
ما كقفنا به الرئيس و بنطمن الناس و زي ما بقول احنا مش بنقول كلام مرسل
بنقول كلام بالارقام بيطلع في تقرير سنوي و ان شاء الله بنهاية الفترة
الانتخابية .
الامتياز 85 % ده صحيح و لكن امتياز بمرتبة الشرف الاولي 100 % السؤال هنا
هل تعتقد اننا سنصل الي اكثر من امتياز في تنفيذ برنامج السيد الرئيس هل
هناك مناطق التي لن تتمكن الحومة من تنفيذها و اذا كان هذا فاي مناطق و
لماذا ؟
اعتقد اننا سنصل ان شاء الله فوق الامتياز بكثير في كل المناطق اقدر قولك
معندناش حاجه متعثرة اقدر اقوللك ان اهم عنصر كان عنصر توفير فرص العمل
لانه فلسفة الحزب الوطني سمناه فكر جديد في هذا الوقت كانا محتاجين نعمل
نمو اقتصادي عالي علشان يؤدى الي فرص عمل للناس دي النقطة اللي دايما بتسأل
عليها بيتكلموا في النمو 47.10 % قبل الازمه اعلي حاجة وصلنا لها طب الناس
محستش انا بقول اكثر حاجة بتحسس الناس هي فرص العمل لان حضرتك تخيل اسرة
فقيره محدودة الدخل و مقدرش صاحب الاسرة نه يشتغل اكثر حاجة تفرق معاة انه
يلاقي شغل بعد ما كان دخله صفر فجأة يبقي عنده دخل اذن مش مسألة اني ارفع
مرتب حد .
و ده حققته الحومه فيه نسبه اوضح .
اللي اقدر اكدهولك النهاردهتخطينا 4 مليون فرصة عمل من 4.5 مليو مستهلك
لذلك لو حسبناها نسبة وتناسب لمدة 6 سنوات سنجد اننا هنعدي 4.5 مليون .
و الكلام ده بنقوله ازاي هو انت بتعد كل واحد بيشتغل ؟
ملفات التامينات الاجتماعية أي واحد بيشتغل جديد بيفتح ملف جديد لاول مره
في التامينات اذن الارقام دي مرتبطة بفلوس بتدفع و بالتالي الارقام دي
ارقام مدققه و حقيقيه و هي دي اكبر دليل علي النمو الاقتصادي اللي اتكلمنا
عليه و اللي العالم كله بيسعد به ده نمو حقيقي .
وده حقق بالفعل فرص عمل للناس و فتح 4 مليون اسره جديده بدخل بيت جديد احنا
النهارده في المرتبات حسينا بتحسن كبير في القطاع الخاص قبل الحكومة خللي
بالك احنا عملنا كل ده مع الاياف تقريبا للتعيين بالكامل في الخكومة علي
عكس ما كان يحدث في الماضي ان الحكومة كانت هي المشغل الرئيس للناس احن
خطونا خطوه جرئيه جدا لان الحكومه اصبحت متخمه مفيهاش وظائف جديده يدوب
اللي بيخرجوا معاش بندخل بدالهم احلال يعني او احتياج شديد .
عشان ميحصلش عجز للحكومة يعني لازم تدخل جديد علي قد اللي بيطلع معاش ماحنا
ثبتنا حجم العاملين في الحكومة تحب 6 مليون بعد ما كان بيزيد سنويا مش بس
بيخرجوا معاش بيزيد فوقهم 150 الف سنويا .
في بداية التسعينات كنا 3 مليون النهارده الرقم كام ؟
6 مليون
النهارده 5.8
طبعا علي حسب بتحسب من النهارده يبقي 3 مليون
في عندنا مليون مدرس
في جهاز الشرطة
في اجهزة الناس برة لتحسبها موظفين حكومه لكننا نحسب كل من هو بيحصل علي راتب من ميزانية الدولة و دول بيطلعوا حوالي 6 مليون
اذن يمكن القول بان الفترة المتبقية في برنامج الرئيس ان هناك امكانية
لتحقيق المتبقي منها و ده التزام اخر في التزامات الحكومة ده التزام قائم
يمكن في موضوع المباني نصف مليون وحده سكنية خلصنا 350 الف الباقي تحت الانشاء هل كل ده هيخلص .
عشان كده بقول لحضرتك هل كل ده هيخلص ؟
ممكن حاجة تمتد شوية
في المدارس برضة بنقترب من الهدف محتاجين زقة اخيره عشان نقدر نحقق الهدف بالكامل بالنسبه لعدد المدارس المطلوبه 3000 مدرسه
تكليفات السيد الرئيس اولها فكرة الوصول الي نسبة نمو تصل الي 8 % علي مدار
الخمس سنوات المقبله السؤال هو هل تعتقد ان المجتمع المصري الاقتصاد
المصري مكونات الاقتصاد المصري قليلة بالفعل للوصول الي تللك النسبه و متي و
في ظل أي ظروف ؟
هي قادرة و قابلة بشروط ليه بشروط لان مفيش حاجه بتم من فراغ احنا قدامنا
تحديات احنا الحمد لله اثبتنا اننا بلد قادره تماما لديها قوه داخلية كامنه
غير عاديه اذا اطلقناها ثبتت لما طلعنا 47 من عشره نسبة نمو اعترف بها
العالم لما حصلت في الازمه المالية و الناس و اجهت علي المستوي العالمي
شعنا اقتصاديات كبير جدا شفنا مشاكل كتير شفنا اقتصاد بينكمش مش بينمو احنا
اقتصادنا فضل ينمو حوالي 4% اثناء الازمه مش بس كده العالم كلة كان بيسرح
موظفين اعداد بالاف بل بالملايين في بعض الدول احنا كنا لسه بنعيش و نخلق
فرص عمل العالم كله كان بيخفض مرتبات الناس اللي بيشتغلوا فيها و شفنا
مظاهرات في دول اوربيه احنا رفعنا المرتبات في اثناء الازمه و ده بيقول ايه
عندنا اقتصاد الخامه موجوده القابلية موجوده ليه لاسباب كثيره.
عفوا قبل ان ندخل في وجود الخامه عشان الجزء الخاص بالازمه الاقتصاديه
العالميه لاني محتاج احسم القضيه السؤال هو قدرة مصر علي تجاوز الازمه
العالمية كان مرتبط بالقدرات لاذاتية لتخطي هذه المساله ؟
او كان مرتبط كما يقول البعض بان مصر لم تكن جزءا اصيلا في الاقتصاد العالمي و بالتالي لم تتاثر تاثرا حقيقيا به ؟
انا ارد عليه كويس قوي اقولك ان اقتصادنا مرتبط بالاقتصاد العالمي السياحة
بتيجي من جو مصر من الخارج قناة السويس لما ينزل الايراد الربع بتاع القناه
لحوالي 4% في عز الزمه مش ده ارتباط بالاقتصاد العالمي لما صادراتنا الي
بتمثل جزء هام من النمو تتاثر مش ده ارتباط لما تحويلات المصريين في الخارج
تتاثر مش ده ارتباط مصر ترتبط بما يحدث في العالم النهارده مش امبارح .
ده اقتصاد عالمي زي مابيقولوا الفكر بتاع القريه العاليمة بتشوف العالم كله
عبارة عن قريه القريه بتشوف بعض زمان مفيش مجال ان نتكلم عن اقتصاد مقفول
علي نفسه دي مش حقيقه الحقيقة هي ازاي تجاوزنا الازمه جاجتين مهمين اننا في
2004 بدانا بالفعل خطوات اصلاحيه في منتهي الاهميه اهمها اصلاح القاطاع
المصرفي فبالتالي البنوك بتاعتنا دخلت الازمه وهي معندهاش أي مخاطر علي عكس
بنوك كثيره و قعت بعضها
علي اعتبار ان الازمه انطلقت من البنوك اساسا لو مكناش عملنا الاصلاح
المصرفي بتاع 2004 كنا واجهنا مشاكل حقيقية فده جزء قامت به الحكومه الجزء
الثاني كان المنحني بتاعنا طابع ممكن جدا و انت كده تنزل لما تحدث الازمه و
يكون المنحني بتاعنا طالع و ده جزء مهم كان عندنا اصلاحات اقتصاديه اصلحنا
نظام الضرائب التامينات الاجتماعية الجمارك جذب الاستثمارات السوق المصري
المحلي كان بدا ينتعش بص حضرتك في استهلاك مواد البناء المواد الغذائيه كل
حاجه كانت طالعة ده هو اللي شالنا في الازمه و ال4% نمو كانت كلها تقريبا
جايه من جوه احنا ننمو من غير ما ناخد استثمارات من الخارج في حدود 4 او 5%
ده التحدي بقي .
لما نيجي نتكلم عن 8% هنتكلم عنها
انت عندك قدرة علي النمو الداخلي مش فقط الاعتماد علي الخارج في مسالة
النمو من الاستهلاك الداخلي نفسه و ده كان واضح تماما شوف اللي حصل في
العقارات في السيارات في كل المنتجات الصناعية شوف حصل ايه في الصناعات
المصريه في مجملها احنا بنصدر اجهزة منزلية للخارج اجهزة تكييف بنصدر
منتجات صناعية كتير للخارج الزراعة في مصر انتاجنا الزراعي زاد زغم كل ما
يحدث من كلام عن المياه و الارض انتاجنا زاد مش في الكمية بس و كمان في
القيمه وبالتالي كل ده بيساهم في الاقتصاد المصري
اذن فحضرتك تعتقد ان هذه المكونات توصل مصر لنسبة نمو 8% ؟
فكرة القدرات المصرية الخاصه
دي حاجة الحاجة التانية تنوع الاقتصاد لان عندنا اقتصاد متنوع لا نعتمد علي
حاجه واحده تنضرب نقع زي ما بيحصل في السياحه لا قدر الله لما بيحصل حادث
في السياحه او حاجة زي دي شوفنا قبل كده السياحه حصلها ايه لكن الي جانب
السياحه النهارده قاطرة تنمية هامه مش بس عشان بتساهم في نسبة النمو بدرجة
كبيرة لكن لانها تخلق فرص عمل و بتشجع قطاعات تانيه مثل صناعة الموبيليا و
الاغذيه و جاجات تانيه كتير .
ده نوع النوع التاني بيعتمد علي الصناعة الصناعات التقليديه تنمو في مصر
النهارده 7او 8% كانت نزلت شويه و طلعت تاني بنعرفها في فاتروة الكهرباء
بتاعة الصناعة لان كل شهر بيجللي وزير الكهرباء كل جهة اشتغلت اد ايه يعني
لازم نعتمد علي تقارير مش اعتماد علي الناس كتير كل واحد بيقول حاجة اصدقه
ازاي اني اشوف الدليل في الواقع يعني لما اشوف فاتورة الكهرباء الاستهلاك
المنزلي في الكهرباء زاد 10% و لاسكان بتزيد حوالي 20 % اذن الاستهلاك
بيزيد لكل شخص معناه ان حد مكنش عنده ثلاجه بقي عنده او تليفزيون او غساله
بيوت جديه سكنت انا كنت بسال وزير الكهرباء عن عدد البيوت اللي دخلت عدادات
لاول مره السنه اللي فاتت حوالي 960 الف تقريبا مننساش ان احنا عندنا في
مصر عدد الاسر الجديه اللي تكونت فوق النص مليون يعني الزيجات الجديه فتحدي
كبير موجود يجب ان تلهث وراه طوال الوقت
نرجع لموضوع لاتنمية الاقتصاديه التنوع الاقتصادي موجود الي جانب الزراعة
عندي قناة السويس تحويلات مصريين الاقتصاد بتاعنا لايعتمد علي رجل واحده .
زاد علينا النهارده اقتصاد المعرفة احنا النهراده من البلدان المصدره
لتكنولوجيا المعلومات و الاتصلات و بارقام كبيره تعدت السنه الماضيه
المليار دولار تخيل بنصدر بمليار دولار و جهد ناس فالتنوع ده اللي خلا مصر
اصبحت مصنفة من الدول القادره و القابله للنمو السريع هناك 4 دول هما
البراازيل و روسيا و الهند و الصين لما بيتقال اول حرف من اسمهم بيلفت نظر
المستثمرين و البنوك و جهات الاقراض الدوليه ده يدي معني مهم اننا محتاجين
تمويل يعني التحدي الرئيسي موجود لما نتكلم عنه طلعوا مجموعة تانية في 6
دول هما اندونيسيا و تركيا و فيتنام و مصر و جنوب افريقيا ده معناه ان مصر
دخلت نادي جديد نادي من الدول الناميه القادره علي النمو السريع الكلام ده
بيتقال في العالم مش عندنا بره .
يعني التحدي 8% موجود لما نتكلم عنه هو اننا نجد الفلوس اللي نمول بيها
الاستثمارات دي عشان ننمو هذا النمو لكن معندناش نقص في المشروعات في الفكر
و لا الجهد لكن عندنا نقض في التمويل لان مدخراتنا غير كافيه وحدها الي ان
تصل الي8%
هدخل في الجزء الخاص بالاستثمار
عايز اسال استثمارتنا نحن كمصريين قادره علي ان ترتفع بنا اد ايه ؟
و لااستثمارات الاجنبيه المطلوبه قد ايه ؟
و ايه هي خطتكم في الفترة المقبله لتشجيع الاستثمارات علي الجانبين ؟
احنا مدخراتنا كمصريين جيده لكن مازالت عندنا مدخرات موجوده في البنوك بشكل
كبير بالقطاع المصرفي في مصر يحتاج الي ان يستثمر هذه الفلوس داخل
استثمارات حقيقيه داخل البلد ميبقاش الهدف استخدامها كسند حكومي او غيرها
مبتنعكس انعكاس مباشر
ليست هذه النقطه متطورة في ادارة المساله البنكيه المصرفيه
لا طبعا لان بيني و بينك لو ان البنك اسهل في تسليف الحكومه في شكل سندات عن أني ادخل مشروع او اسلف مشروع و اخد مخاطر
لكن لازم نشجع بنوكنا في هذا الاتجاه
و الاهم من كده ايضا التنوع ان ينزل لمستوي المشروعات الصغيره و المتوسطه
اللي هي العامود الفقري للتنميه الشركات الكبيره ممتازه و بتشغل الناس لكن
الحقيقه ان 80% من فرص العمل بتيجي من الشركات الصغيره و المتوسطه
ده اقتصاد الناس
بالضبط فده اللي لازم البنوك تمشي فيه فالحمد لله احنا النهارده بنشوف
ظواهر في المراحل الثانية من اصلاح القطاع المصرفي كانت اتفقت مع السيد
محافظ البنك المركزي اننا نركز علي النقطه دي كنا قبل كده بنركز علي القروض
الغير منظمه الكلام ده خلاص خرج من قاموسنا .
النهراده بنتكلم عن الاقراض البنوك بتقرض و لا لا ؟
مهي البنوك دي مدخرات المصريين كلهم لو انا اديتها للحكومه الحكومه بتقرض
عشان تسد العجز اللي عندها لكن مفيش منعكس مبارشر علي الاستثمار او علي
المشروعات و علي فرص العمل
ماهو مدي التجاوب مع السيد محافظ البنك المركزي .
لا تجاوب ممتاز و لكن احنا في اول الطريق احنا بنقعد مع بعض في بداية كل
شهر عشان نراجع الارقام و الارقام بتتحسن و الاقراض من البنوك للقطاع الخاص
بيتحسن .
بس لسه ماوصلناش فيه لاملنا
امتي هيتم ترجمة ده بشكل حقيقي علي الارض ؟
و امتي ممكن الناس تحس ان فيه تحول في القطاع المصرفي مع المشروعات الصغيره و المتوسطه
انا بتصور ان كل سنه هناك تحسن النهارده احنا في المرحله الثانيه بقالنا
سنه واحده بس فانا بقول ان في السنه الاولي نتيجتها مرضيه و مازال اامامنا 4
او 5 سنوات لنصل الي المستوي العالمي للاقراض
احنا طبعا عندنا عوامل مساعده كالصندوق الاجتماعي للتنميه بيقرض برضه
المشروعات الصغيره – بنك ناصر – الاسر المنتجه كل دي موضوعات هامه جدا في
عملية الاقراض لكن لتمويل المشروعات الكبيرة تحتاج الي جذب استثمارات من
الخارج
بالضبط فالاستثمار الاجنبي مطلوب ليكمل علي هذه .
الاستثمار الوطني موجود وعندنا شركات كثيره في الاتصالات و المواد البناء
لكن محتاجين الي استثمارات اكثر من الخارج عشان كده احنا عندنا لائحه طويله
من المشروعات الكبيره التي تجذب الاستثمارت من الخارج و خاصة المنطقة
العربيه و يساعدنا في ذلك المناخ العام في العالم و لن اخواننا اعلرب احنا
اجتمعنا بيهم حدث لهم هزه قويه نتيجه للازمه العالمية وفلوس كتير راحت في
امريكا في مجال العقارات و عشان كده هما موجودين عندنا و بيوسعوا
استثمارتهم التي وصلت الي 13 مليار دولار منهم 5 مليار في مجال البترول و
الباقي في مجالات اخري مقابل 400 مليون عام 2004
اذن نقدر نقول ان مصر مؤهله
لكن يجب ان يكون هناك شروط
اولا اخدنا الخطوات اللي الحكومه تقدر تنفذها خطوات الاصلاح التي اخذناها
لتحسين مناخ الاستثمار من داخل المجتمع و ما زلنا نقوم بعدد من الاجراءات و
منها اصدار قوانين جديده للتجارة الداخليه احد الحاجات الرئيسيه التي
تتناول تفعيل السوق المصري و احنا عندنا قوانين للتجاره الداخليه في مصر
قديمه جدا مننساش اننا بلد عريقه و العراقه دي احيانا بتسبب مشاكل .
هناك قوانين قديمه ممكن تلاقي قانون في التجاره عقوبه علي تاجر 50 جنيه علي
حاجة ممكن يكون بيكسب منها ملايين بنراجع ده النهارده دي حاجة هندخلها لكن
الرساله واضحه .
الشرط الثاني تطوير الجانب التشريعي
بالضبط
الجانب الثالث التمويل زي ماقلت لازم نسمح بتمويل و بعناصر جديده مثل
المشاركه بين القطاع الخاص و العام و المشروع القانوني تم اقراره بالفعل في
نهاية الدورة البرلمانيه
المشاركة دي مهمه جدا ليه ؟
لان كثير من هذه المشروعات عامه .
يعني ممكن يبقي مشروع انشاء طريق محطه تنقية مياه او صرف صحي او مستشفي كل
دي مشروعات عامه الطبيعي ان الدوليه هي اللي بتبنيها لو انا اللي هابنيها
محتاج اجيب فلوس الموازنة بتاعتنا تتحمل احط 30 : 35 مليار جنيه في
الاستثمار ده غير اللي بحطه في الاجور و الحاجات التانيه يعني 40 مليار لا
تكفي
النهارده عشان اصل الي 8% يجب ان يكون لدينا 300 مليار شوف 40 مليار الي
300 مليار احنا محتاجين 260 مليار اضافيه بيجيلنا منهم النهارده مبلغ لا
باس به اعتقد ان الاستثمارات تعدت 100 : 120 مليار اذن فاحنا محتاجين
نضاعفها هنضاعفها ازاي في قطاع خاص بيقوم بعمل مصنع مدينه سكنيه فندق ده
ماشي طب ندخله كمان في حاجات تانيه يعني عايز اعمل طريقين اعمل اطريق الاول
من موازنه الدولة و الطريق التاني اجيب مستثمر يعملة بس هو هيكسب ايه
هاقوله الطريق مثلا هيتكلف مليار عايز عليهم عائد اد ايه 200 مليون مثلا و
هو مش هيكسب من الطريق اقوم افرض رسوم الاعلانات علي الطريق يبقي حوالي 150
مليون و ضمنت للمستثمر حقة .
يبقي انا باخد 150 مليون و انا بدفع 50 مليون بدل مادفع مليار .
طب المليار اللي اتحطوا في الطريق هيبقي ايه 200 مليون سنويا يعوض
هيبقي عائد سنوي يساوي 200 مليون في الحالة دي هديله عائد 20 سنه
لما تحسب الحسبه هطلع كام علي 20 سنه هيطلع علي المليار بتاعه بفوايده بكل حاجه هيبقي مبسوط علي الاخر انا طبعا بدي ارقام تقريبيه
ده مفهوم المشاركه انا بعت طريق قاعد في مصر تملكه الدوله و لايملكه هو و
لا يملك جانبيه و لا يملك ان يحاسب احد عليه اللي بيحاسب هو الدوله خللي
بالك من النقطه دي هامه جدا بقولك لا ده هيستغلني و يحطلي علي اول الطريق
تعريفة مرور فالدوله هي اللي بتحدد و الدولة اللي بتاخد الايراد و اللي
بينه و بيني عقد زي حكاية الميه يمكن اخليه يعمل محطه ميه طب ابيع ب 50
قرش للمتر عشان يكسب مينعش 50 قرش انا هتعاقد معاه علي جنيه للمتر و اتعاقد
معاه و للمواطن ب50قرش في حاجة اسمها سعر اجتماعي و سعر اقتصادي .
و هنا الدعم يبقي واضح للناس و واضح للحكومه حطيت دعم الميه
للتاكيد علي لسان حضرتك دلوقتي ان هذه الشراكه بين الخاص و العام لن يتحمل جزء من تكلفته المواطن البسيط
دي مساله منتهيه تماما
هنا يبقي الحته نرجع تاني للمحاور بتاعة الرئيس بين النمو الاقتصادي و تحقيق العداله الاجتماعية
هنا ييجي الدور الرئيسي بين الاثنين دور الدولة و دور الحكومه لانها تفرق
بين الاثنين انا عايز نمو اقتصادي يبقي اشتغل علي اقتصاديات السوق طب الشعب
بكل طبقاته لا يتحمل الاغنياء يتحملوا الطبق المتوسطه تتحمل الي حد ما لكن
الحكومه تتحمل مسئولية غير القادرين دي هتيجي في حاجات كتير مش بس في هذا
الموضوع في التامين الصحي و التعليم و غيرها الغني مبوديش ولاده مدارس
حكومه بيوديه بمصروفات فيتحمل هو عبئ التعليم لكن انا اقدر اخلي الشخص
الفقير قادر علي دفع المصرفات لا افضل ابني مدارس في هذا الاتجاه لكن لابد
من تشجيع التعليم في الطبقة المتوسطه أي مدارس افضل من الحكومه بس مش
بمصاريف مكلفه اوي فممكن افتح استثمار ندعمه جزئيا لان النهارده بنسمع عن
اسعار مدارس 30 و 40 الف جنيه الطبقة المتوسطه لا تستطيع بس ممكن تدفع
الفين او 3 ما انا لازم اخلي كله موجود و في الخر المدرسه الحكوميه
المجانيه موجوده و بنحسن فيها مش معنا كده اتركها لابد من تطويرها و
الارتقاء بمستواها ممكن كمان احتضن المتفوقين فالحقيقة تغيير المفاهيم دي
هام جدا
دي سلسله مترابطه لا يمكن الفصل فيها .
ساعود بعد قليل لموضوع التعليم لانه قضيه هامه لكن جزء هام مرتبط
بالاستثمار و التشغيل و هو مكافحة الفساد و هو احد الموضوعات التي قررت
الدوله ان تتحملها السؤوال هو ما هي خطتكم للتعامل مع هذه الافه .
الناس دائما تنظر الي الفساد من جانب واحد فقط هو العقاب وسيله لمنع الفساد
و لكن هناك جزء اهم و هو منع مصادره مثلا في مجال الجمارك لما جينا نعمل
الاصلاح الجمركي و جدنا ان نفس السلعة ممكن تدخل تحت بند جمركي اذا استخدمت
في الصناعة و اخراذا استخجمت في التجارة .
عشان نوصل الرغيف المدعم الدقيق بنبيعة مدعوم للافران الشكاره ب16 جنيه و
هو يقدر يبيعها ب200 جنيه فهنا بخلق فرصه للفساد فهل هناك طريقه اديله
الشكاره ب200 و يبيع للمواطن ده سائح و لكن نحافظ علي سعر الرغيف و نفل
الانتاج عن التوزيع .
انت تنتج ولكن متبيعش و ده اللي احنا ماشيين فيه بنعمل افران جديده و نجيها
الدقيق و ناخد منها العيش معنوش فرصه يضحك علي علي قد الدقيق لازم يديك
كذا رغيف اخد انا العيش وابيعه للمواطن بمعرفتي باديك مثل ازاي نمنع الفساد
لكن لا يمنع وجود قوانين رادعه للفساد عشان كده السنه دي ان شاء الله هندخل
قانون جديد للموظف العام لما تيجي تبص علي قانون العاملين بالدوله ممكن
تلاقي فاسد او مرتشي و مبتعرفش تعاقبه .
او تعاقبه عقاب اقل من الفايده اللي اخدها هيستعمل العقاب و يدخله في
الحسبه لا انا عاوز ابقي راداع زي مخالفات البناء ده فاسد بيدفع المخالفه و
الديله رخصه بناء دي كلها موجوده و لكن لو ان يخلي العقوبه رادعه يعني لو
قلتله لو بنيت حاجه ههدها وادفعك تمنها دي حاجات هيحددها القانونيين .
مقدرش اعمل حاجه مخالفه للدستور او القانون انما الفكر نفسه ان عقوبه
الفاسد تكون رادعه ده اتجاه في اتجاه تاني احنا ماشيين فيه قانون العقوبه
المدنيه و جعلها مؤثره ممكن تبقي كبيره ومقدرش انفذها برضه مهم جدا الحاجات
دي هتتناقش في البرلمان
ده اصبح مطروح بالفعل
هل يختلف المجتمع ان الفاسد يجب ان يردع حتي لا يفسد مرة اخري و يفسد من حوله لانك مهما عملت متقدرش تقول هعين مراقب لكل مواطن .
اذن التوجه هو منع الفساد من منابعه و وضع قوانين رادعه في هذا الاطار .
احنا بنشتغل علي الاثنين
احد المشكلات التي يعني منها المستثمرين بشكل عام هي فكرة التعامل مع عدد
كبير من الجهات الحكوميه و منذ عدة سنوات رفع شعار التعامل مع الشباك
الواحد للتعامل مع المستثمر السؤال هنا لماذا لم نصل بعد الي هذاالمستوي
لماذا لا يزال هناك مستثمرون يعانون من التعامل مع جهات حكومية كثيرة .
شوف الوضع اتحسن كتير بس مقدرش اقول اننا وصلنا الي الشكل الل ااحنا
عايزينه زمان كان تاسيس شركه يستغرق عده اشهر النهارده 48 ساعة حقيقيه
يعترف بها كل المستثمرين
لكن عند تاسيس شركة تيجي تشتغل فيها تلاقي نفسك مش عارف تاخد رخصه عشان من
الدفاع المدني من البيئه لسه في تعدد للجهات مش الانشاء و انما في التنفيذ .
النهارده بندور نعمل كل ده ازاي بشكل مايبقاش مزعج للمستثمرين مقدرش اقول
موافقه الدفاع المدني و تطبيعها علي مشروع او البيئه احنا بنشوف التلوث و م
الذي يمكن ان يؤدي اليه لكن ازاي الجهات الرقابيه دي يبقي عملها شفاف
ميحتملش فساد و في نفس الوقت ميبقاش معوق للاستثمار او الانتاج و دي الشكوي
السائده و احنا بندرس الحاجات دي اول باول و بنحاول نعالجها .
لكن السؤال هو دائما ما ستكون هناك بين المشروع والمستثمر و المنتج و الدوله من الناحيه الاخري في اجهزتها المختلفه
منقدرش نحكم علي جهه علي حساب جهه اخري لكن نقدر نحط نظام شفاف منسمحش للدوله انها تطغي علي الاستثمار .
السيدات والساده اهلا بكم من جديد يستمر الحوار مع د/ احمد نظيفرئيس مجلس الوزراء حول القضايا المطروحه في الشارع .
اسمح لي د/ نظيف اسال احد الاسئله التي اظن انك مررتبها عديدا 7.2 هناك نمو
هناك تغيير السؤال هو لماذا لم يشعر المواطن بعد بهذا النمو و ماذا تقول
لمن لم يشعر بذلك النمو الذي تتحدثون عنه
انا عاجبني صيغة السؤال في الجزء الثاني منه
لم يشعر المواطن ليس كلهم لازم تعترف اثناء عملية التحول الاقتصادي بهذا
الشكل هناك ناس يتاثرون ايجابيا و هناك ناس مبيحسوش اوي و ناس ممكن تتاثر
سلبيا يعني حاطين في الاعتبار لكن الفكرة هنا ان المتوسط يرتفع اذا م
المتوسط ارتفع بعض الناس فوق المتوسط يطلعوا اسرع و عادة بيقولوا الناس
القادرين الاغنياء المثقفين صاحب الحرف و صاحب المهنه ايجابيا اللي معاه
قرشين يستثمرهم يجيب فلوس اكثر اللي عندة مهنه او حرفه بيدور عليه المستثمر
عشان يستفيدوا منه وياخدوا مرتبات اعلي .
و يتصارعوا عليه احيانا .
في ناحية ثانيه يعني مثلا شخص مكملش تعليمه او اكمل مش في مجال مطلوب
النهارده و مشلاقي شغل لازم يطور نفسه احنا بقي بنساعد هنا بيبقي عينا علي
الموضوع و هنا ياتي دور العداله الاجتماعية انك انت كحكومه بتشجع النمو
الاقتصادي و ده معناه ان الفلوس بتتحرك في السوق في ناس بتنزل تشتري بضائع و
ان المنتج بينتج بضائع اكثر .
الركود الاقتصادي بيكون العكس و طبعا أي واحد يبص علي الاقتصاد المصري لا
يستطيع ان ينكر حجم الرواج الاقتصادي في كل المجالات مثل المجمعات التجارية
الكبيرة حول القاهره توضح حجم الرواج الاقتصادي هناك .
في مقابل ده لا نستطيع ان ننكر ان هناك حاله من الارتفاع في الاسعار في بعض الاحيان تكون في غير صالح المواطن المصري البسيط .
صحيح انه في بعض الاحيان كان صادم بدرجة كبيرة تحد من قدراته الاستهلاكيه و
لو زاد في صنف معين ده معناه ايه معناه ان في دخل جاي ادي الي حتي رغم
زيادة الاسعار ان في ناس اشترت .
لما نبص علي الاستهلاك لان هو ده اللي بيني و بينك لا شك و انت بتنهي هذا
التحول النمو في حاجة اسمها التضخم لازم تحدث متوسطه في مصر حاليا حوالي
100% و اليومين دول نازل شوية الوضع بيتحسن و الاسعار بتنخفض بقالنا شهرين
نوفمبر و ديسمبر
و دي مسئولية الدولة .
جزء موسمي
اسعار الحضار طلعت بشكل كبير و خاصة الطماطم شكلت ازمه في وقتها
بالضبط
النهارده اسعار الخضار نازله الفراخ البيض ان متابع الاسعار يوميا
انا احسن و احد اقدر اشتري حاجات البيت
اذن في النهايه هناك بالفعل رواج اقتصادي الاسعار تتزايد و لكن هناك دخول
بتزيد معاها و هنا المعادله الصعبه و السياسه اللي احنا مؤمنين بها ان
النمو الاقتصادي هيؤدي الي ارتفاع مستوي المعيشه و هو ان الدخل يزيد اكثر
من الاسعار و هو ما يحدث الان للمستوي المتوسط تقدر تقول 20 % تحت خط الفقر
و دورنا ان احنا نتدخل معاهم و ده اللي احنا عملناه عشان كده سياستنا لها
فرعين و دايما بقول الحكومة رغم الاتهام انها تنحاز للاغنياء و رجال
الاعمال هي اكثر حكومه انحازت لهذه الطبقه .
ده بالارقام ازاي شوف حضرتك اجور العاملين موظفين الدوله غير قادرين ماديا معظمهم تحت المتوسط مش متوسط حتي مضبوط فده مثال جيد
الناس اللي بستفيدوا من بطاقات التموين شوف احنا عملنالهم بطاقات التموين
زودنا عدد الناس المستفيدين 40مليون الي 60 مليون و زودنا السلع علي
البطاقات التموينيه
حافظنا علي رغيف العيش ده في ظل زياده غير عاديه حصلت في اسعار القمح زي
ماحنا عارفين حافظنا ايضا علي شعبية الضمان الاجتماعي الناس اللي لا دخل
لها و رفعنا عددهم من 600 الف الي مليون و ربع و المبلغ اللي بياخدوه 40
الي 80 الي 120 و 150 فاحنا بنعمل حسابنا ضمن الخطط دي
أنا مش عاوز أوجه نقد بنقد على فكرة ، لكن عاوز أقولك الاعلام له دور مهم
فى هذا الاتجاه وعاوز أقولك حاجة أكثر من كده إحنا عاصرنا ده وبنزور قرى
وبنزور فلاحين ، القاعدة فى مصر واعية فيها قرى شوية مش مافيهاش خالص وشفنا
الحزب بيتحرك كثير فى هذه المناطق وبنقابل الناس وأنا قعد ة مع فلاحين
وفهمين الكلام دة كويس جداً الاعلام احيانا بيدينى صورة تختلف عن الواقع
ولازم نعترف إن ده بيحدث ليه ، لأنه بيعتمد أساساً فى بيناته دائما على بعض
الخبراء ، بعض الناس اللىجاية من الجامعة مش بيجيب الفلاح نفسه أنا نفسى
اشوف البرامج دى بتستضيف فلاحين بجد عمال بجد واشفناش ده عمرنا احنا بنشوف
دائما الناس اللى قاعدين لبسين بدل وانا معلوماتى ان الفلاحين مش بيلبسوا
بدل مهم جدا اننا فى الحاجات دى أنزل لافلاح
أنا جبت فلاحين بجلاليب وقعدوا معايا واتكلموا وانا بنقل .... هناك شكل من
الاشكال الانفصال فى الحديث والحوار مابين الجهة المفكرة متمثلة سواء فى
الوزير المختص أو فى الوزارة المسئولة ومابين مايطرح من أفكار ومايبدوا أن
لايصل البعض الى تلك القاعدة بيسمع بتخوف وقلق معندوش معلومات واضحة
ماعندوش لغه بسيطة يوصل له أناا مش بتكلم على الفلاحين وعلى اطراف اخرى من
المجتمع هنا بسأل السؤال كيف يمكن ... هل مطلوب تغير الخطاب ؟ هل مطلوب
ايجاد قنوات بتواصل مختلف ؟ هل مطلوب نزول المسئولين الى القواعد بشكل أكبر
من كده ؟ هل ده كله مطلوب
شوف حضرتك أنما بقول أن كل ماقدرنا نتفاعل اكثر مع القواعد الشعبية كل ماهو
هيكون مفيد للطرفين لن مش من الضرورى اكون متحضر الفكر انا ممكن افكار
تيجى من تحت افضل كتير من اللى ممكن احن بنقولها وفى ناس أيدجها فى النار
زى مابيقولوا وفى ناس قاعدة بعيد عن هذا يمكن بشكل اكاديمى بتفكر ده انا مش
بعترف بيه انا بعترف دائما أننا نشرك اصحاب القرار وأنا أذكر اننى وانا
كنت وزير اتصالات زمان كنا بنجيب كل اصحاب الموضوع من اول الشركات الصغيرة
للمستهلك لغيره على ترابيزو واحدة ونقول لهم رايكم ايه احنا عاملين
استراتيجية علشان نطور هذه الصناعة نعملها ازاى احنا بنعمل ده النهاردة ،
لما كلمنت حضرتك على صناعة الالبان مثلا احنا قعدنا مع الفلاحين اللى يدوب
مربى جموسة وبيحلبها كل يوم بيدور على اللبن فين خد بال حضرتك ودورنا شوف
ايه مراكز التجميع اللى كانت موجودة زمان كا عندنا شركة قطاع عام كا عندنا
عندها مراكز تجميع النهاردة مشموجودة او الشركة ده قفلت كانت مراكز ذى ده
نطورها علشان الفلاح ياخد جاموستة لحد المكان ده علشان يحلبها مظبوط ويدى
اللبن المظبوط ويبقى نظيف والكلام ده كله انت بتنزل للقواعد مش مابتنزلش فى
حاجات معينه لكن محتاجين المزيد مافيش شك عايز اقول ان النهاردة فرصة
القنوات الاعلامية الحمدلله منفتحه ومغتوحة الاعلام مبقاش تلفزيون وبس بقى
صحافة فى انترنت ووسائل الحوار زايدة جدا شفنا المجتمع بيتحرك النهاردة
وشبابنا بيتحرك بشكل جيد جدا انا باخد معلومات اكثر بكثير النهاردة من
الفيس بوك والنت اكتر ماباخد من الجرائد لان الجرائد عادة بيكون واحد مثلى
جالس فى مكتب ويتلقى خبر بطريقتة ويكتبه التلفزيون يمكن افضل لان ينزل
الشارع اكتر لكن فى النهاية مفيش احسن من انك تتواصل مع الشخص صاحبن الشأن
ـ خلينى ارجع تانى لموضوع المياه هنا مش مسالة الاستخدام الامثل لمياه
النيل والترع ولكن ايضا مسالة المياه الجوفية من الواضح ان هناك من الفوضى
العارمة فى استخدام المياه الجوفية فى مصر
ـ صحيح هناك منتجعات على طريق الاسكندرية الصحراوى الذى كان من المخطط ان
يكون زراعات تحول الى منتجعات سكنية فاخرة شهدنا صور لمراكب صغيرة بتمشى
داخل هذه البحيرات وهنا حالة من حالى الانتهاك لحقوق الاجيال القادمة وحقوق
المواطنين البسطاؤ السؤال هو ماذا سوف تفعلون فيما يتعلق بالمياة الجوفية
فى المستقبل وماذا انتم غاعلبن مع ماتم بالفعل حتى الان
علشان نضع الصورة فى وضعها الحقيقى هناك منتجعات بالفعل على الطريق
الصحراوى مصر اسكندرية واسماعيلية لكن لازم نقول حقائق اخرى موازية لهذا أن
80% من صادراتك الزراعية بتطلع من الاراضى المستصلحة اللى على الطريق
الصحاروى اللى حضرتك بتتكلم عنها انا زرت المزارع بنفسى وشفت كمية الشباب
الصغير والبنات اللىبيجوا من وسط الدلتا كل يوم ويعدوا النيل لغاية
لصحراءعلشان يشتغلوا فى مراكز التعبئة ومراكز الزراعة بتاعةالشركات كثير من
هذه الشركات عملاقة النهاردة الحقيقة هناك جزء من منتجعات وده الجزء
القريب هناك جزء منتجعات وده الجزء القريب من القاهرة
لكن معظم الاراضى الجديدة دى اراضى منتجة ومتميزة هى للتصدر وبالتالى بتضيف
اضافة كبيرة لاقتصاد الوطن بس يعد كده ارجع اوافقك ان هناك نوع من السحب
الكبير للمياه الجوفية بيحدث فى بعض المناطق لكن علشان كده الحكومة
النهاردة أعدت قانون جديد للمياه لجوفية عندنا قانون رى طبعا ده قانون
رئيسى وبرضه بنفكر ازاى نعدله حالياً لكن اليوم اخذنا قانون خاص بالموضوع
ده لازم يحافظ على الاستخدام الموجود فى الرخصة له معدل سحب سوف اعطى
لحضرتك امثل فى بعض الاماكن اللى فتحنا فيها اماكن للزراعة بعض الناس اصبحت
تزرع مزروعات اللى هى بتستهلك مياه اكتر من معدل البئر البرسيم مثلا 00 مش
مسموح له ان هو يزرع الا 1/3 المحصول برسيم لو هو جار على كده لان المحصول
بيكسبه اكتر وهو كده بيخالف القانون النهاردة بنضع كل هذا فى قانون جديد
هيدخل مجلس الشعب هذه الدورة ان شاء الله
ـ ماهو الموقف فيمن تجاوز وماتقول الصحافة هناك حجم كبير من المخالفات ايه
هو الموقف اللى هيتم بالمخالفات التى تمت بالفعل ولا هيكون عفا الله عما
سلف ؟
ـ لامفيش كده اللى أخذ حق من حقوق الدولة لازم يدفع هذا الحق ودة تم بالفعل
هيئة التنمية الزراعية التى كانت مسئولة عن بيع هذه الاراضى لاغراض معينه
كانت عندها حاجتين إما ان انا ببيع لغ6رض التنمية الزراعية بالكامل ام
تنمية زراعية عمرانية بمعنى ايه انهم كانوا بيسمحوا بنسبةبناء على هذه
الاراضى ½% أظن
كانت بترتفع لحد 10% بموافقة هيئة التنمية الزراعية لسنوات طويلة جداً إحنا
قننا هذه المواضيع هناك ناس خالفت هذا أخذت 2.5 % أو اكثر دول بيتحاسبوا
ومحدش هيخرج برة دائرة القانون وعملنا إزالات بالفعل سمعتوا عنها ، تمت على
هذه المنتجعات فده موجود اليوم ولكن فى النهاية بنقول لازم نعمل نظام اذا
كانت الحاجات دى مطلوبه والناس طالباها ومن الناحية الاقتصادية سليمة طيب
استعملها بيستخدم فى الزراعة ادفه كذا ، البير الذى يستخدم فى المنتجعات
يدفع كذا واضع نسبة معينة فى حدود معينة اقول 5% من المياه الجوفية تستخدم
فى المنتجعات مثلا أو غير هذا طيب ماده اقتصاديا حاجة كويسة ماتنساش ان
المنتجع ده أصلاً بيعمل تنمية عمرانية ويشغل ناس كثير يمكن اكثر من المزرعة
ده حقيقة بيشغل ناس كثير لان فيه صيانه وشغل وبعدين فيه مزارع ، طيب انت
وضعت 10% طيب فية 90% بتتسرق حتى المنتجعات اللى انت بتتكلم عليها انا لم
أرى مراكب الحقيقة لكن حتى هذه المنتجعات فيها زراعة انا ساكن فى الصحراوى
هناك اماكن فيها زراعةحوالى الاف من اشجار النخيل بتطلع بلح ممتاز ابعت لك
منه
ـ ده طيب مرتبط بنفس الموضوع اراضى الدولة بشكل عام أثير فى الفترة
الماضية مشاكل مرتبطة بأراضى الدولة هل تم بيع اراضى الدولة ، مين يملك
اراض الدولة ، مين يحدد بيع اراضى الدولة ، ايه القواعد المنظمة السؤال هو
الاتعتقد ان فكرة بيع الاراضى اصبح أمر غير مستحب وغير متوائم مع طبيعة
العالم كله اللى بيعمل حق الانتفاع لسنوات طويلة ايه الموقف ، هتعملوا ايه
فى اللى جاى هتعملوا ايه فى اللى فات
ـ سؤال فى غاية الاهمية الموضوع ده أخد اهتمام كبير يمكن تلاحظ ان السيد
الرئيس فى خطبته فى افتتاح الدورة البرلمانية ركز على الاراضى وقال ان احنا
هنتقدم بمشروع قانون جديد لموضوع اراضى الدولة فى الدورة البرلمانية
الحالية احنا بنعمل فى هذا القانون وعملت اجتماعيين بالفعل فى هذا الاتجاه
مازلنا فى مرحلة اعداد القانون نفسه لكن اقدر اعطيك الملامح الرئيسية احنا
بنفكر ازاى فى هذا الموضوع أول حاجة احنا لازم نعرف عنصر مهم جداً ان
الاراضى قيمتها فى استغلالها الاراضى ليست جرداء ، ليست فى عدم استغلالها
خصوصا ان احنا عايشين فى بلد عايشة فى 6% عندنا مليون كم مربع مش بنستغل
منهم غير 60 الف اذا مش عندنا مشكلة ارض اتاحة أرض لكن المشكلة كيف تستغل
الارض لو عندى ارض وقلت الارض ده هعملها مدرسة قيمة الارض تختلف عن لو قات
لك الارض ده اعمل فيها مثلا فندق او منتجع سياحى او اعمل مدينة سكنية كل
حاجة من دول لها استخدام مدينة سكنية معمولة لمحدودى الدخل غيرمدينة سكنية
معموله لمستثمرين ومنتجعات وفيلات وكل حاجة من دول لها قيمتها ولها ثمن فى
الاراضى نفسها ده غير ترفيق الاراضى بيحط سعر للارض بمعنى ان لما عايز اعمل
منطقة صناعية لازم اوصل لها مرافق ، مرافق المنطقة لصناعية تختلف عن مرافق
المنطقة السكنية ده عايز كهرباء اكثر صرف صناعى جنب الصرف الصحى ، بتختلف
يعنى قيمة الارض ده اللى عايز اوصلة لان دائما الناس بتقول قيمة الارض اخذت
الارض بكام وبعتها بكام ، بقولك مثلا اعطوها للمستثمر 230 جنية وارض اخرى
اتباعت بـ 2000 وده صحيح لكن المستثمر اللى أخد بـ230 ذى مشروع مدينتى
عمل ضجة كبيرة
أخذ ارض صحراوية بعيدة تماما لما طرحناها محدض جالها غيره وبيعمل فيها كل
المرافق على حسابه وهو اللى بيع
